Тој во интервју за албански ТВ Клан кажа дека многу повеќе од Србија зависи дали ќе дојде до таков договор, бидејќи Косово е спремно.
„Договорите кои не подразбираат заемно признавање како центар на содржината, нормално, за нас не се прифатливи, но и никому не му се од корист“, кажа Курти.
Додаде дека постигнувањето конечен одговор би им користело на двете страни, бидејќи тоа, како што тврди, „би го забрзало процесот на интеграција на двете земји во европското семејство“.
„Србија сака да го продолжи европскиот пат, но тоа нема да го може брз признавање на Косово, а од друга страна Косово сака европски и евроатлантски интеграции и за тоа ни е потребна целосна нормализација на односите со Србија“, наведе Курти.
Меѓутоа, според него, Србија има дилеми околу интеграцијата во ЕУ.
„Србија има дилеми бидејќи има договор за слободна трговија со Русија, купува оружје од Русија и е дел од Евроазиската економска унија. Газпром има 50 отсто од нафтената индустрија на Србија и 51 отсто од најголемиот гасен басен во Војводина, па имаат дилеми додека сме ние на чист европски и западноевропски пат“, додаде косовскиот премиер.
Следната година, според косовскиот премиер, Косово ќе поднесе барање за статус кандидат за членство во ЕУ.
