Според најновите податоци, од почетокот на пандемијата од ковид заболеле 7.012.599 луѓе, а починале 187.200 луѓе, пренесува Ројтерс.
Руската државна служба за статистика Ростат покажува поинакви податоци и во август наведе дека околу 365.000 луѓе починале од ковид или последици на таа болест, во периодот од април 2020 до јули 2021, наведува британската новинска агенција.
Бројот на прекумерни смртни случаи, кои се дефинираат како разликата меѓу официјалните бројки во одреден период со очекуваните бројки, достигна 528.000 во јули, а според тврдењата на некои епидемиолози ова го покажуваат и податоците на Ростат.
