Ова го соопшти министерот за здравство Танос Плеврис на државното радио.
Дополнително, повторно е задолжително носење заштитни маски, а во супермаркетите и јавниот превоз се задолжителни маски КН95 или по две медицински или платнени маски.
За влез во државата потребно е да се покаже негативен тест. ПЦР тестот не треба да биде постар од 72 часа, а антигенскиот од 24 часа.
Плеврис исто така ги повика патниците да направат брз тест вториот и четвртиот ден по влегувањето во земјава.
Во Грција во средата се регистрирани 5.641 новозаразени, а една недела порано 4.801.
Досега во таа земја се откриени 29 случаи на варијантата омикрон.
Владата предупреди дека здравствениот систем е под голем притисок.
