Зборувајќи на командното место на комбинираната формација на руската група сили „Југ“, Герасимов изјави дека „ослободувањето на Народна Република Луганск е целосно завршено“.
Тој додаде дека Здружената група на сили во моментов напредува во сите правци. Според него, во текот на март и април, руските трупи ослободиле 34 населени места и околу 700 квадратни километри територија.
Герасимов исто така наведе дека руските борци активно напредуваат кон Славјанск и Краматорск и дека се наоѓаат на растојание од 12, односно седум километри од источните периферии на тие градови.
Тој исто така рече дека украинските вооружени сили се обиделе да ја спречат офанзивата на руските сили во февруари и март, но дека изгубиле 3.000 војници и повеќе од 160 единици техничка опрема.
Според него, украинската воена команда се обидува да го „прикрие“ поразот во февруари и март преку информативна кампања за наводно враќање на 480 километри територија.
