Навивачите можат да купат оригинално парче од тревната подлога на стадионот „МетЛајф“, каде ќе се игра финалето на Мундијалот.
За ваков спомен треба да се издвојат 450 долари. Тревата е запечатена во проѕирен акрилен блок, а секој купувач ќе добие и сертификат за автентичност во видео-форма, зачуван на УСБ. Нарачаните примероци ќе бидат испратени по завршувањето на финалниот натпревар, а во моментов продажбата е ограничена само за купувачи од Европа и САД.
Продажбата на тревникот предизвика големо внимание, особено затоа што се случува во време кога ФИФА е критикувана поради екстремно скапите билети за финалето на Светското првенство. Исто така огромни критики пристигнаа и за паузите за хидратација кои всушност се користат за рекламни блокови.
