Според портпаролот на финската армија, мерката е воведена од безбедносни причини. Финска не соопшти дека дронови влегле во нејзиниот воздушен простор, туку дека постои ризик од залутани летала.
Одлуката доаѓа во време на зголемени тензии на источното крило на НАТО. Романија во последните денови неколкупати подигна борбени авиони поради дронови кои влегле во нејзиниот воздушен простор, а во неделата еден Ф-16 собори руски дрон над Црното Море. Романскиот претседател Никушор Дан овие упади ги нарече „неприфатливи и неподносливи“.
Романија е членка на НАТО и дели долга граница со Украина. Од почетокот на руската инвазија регистрирала бројни упади на дронови, особено по руските напади врз украинските пристаништа на Дунав. Руските дронови околу 30 пати го нарушиле романскиот воздушен простор од почетокот на војната.
Финска се приклучи кон НАТО по почетокот на руската инвазија врз Украина и дели долга граница со Русија. Денешното затворање на дел од воздушниот и поморскиот простор покажува дека ризикот од залутани дронови повеќе не се однесува само на подрачјето околу Црното Море, туку и на северот на Европа.
