Трамп така одговори на новинарско прашање за да го дефинира прекинот на огнот меѓу Израел и Либан, пренесува Скај њуз.
„Во тој дел од светот, прекин на огнот е кога се пука поумерено“, рече Трамп.
„Не е лошо“, рече Трамп, свртувајќи се кон собраните високи претставници на администрацијата со насмевка, предизвикувајќи смеа кај публиката. „Но, тоа е вистина. Мислам, прекинот на огнот таму е многу различен од прекинот на огнот во другите делови од светот.“
Reporter: How do you define ceasefire?
Trump: In that part of the world, ceasefire is when you’re shooting in a more moderate manner pic.twitter.com/wXdr2EraDC
— Open Source Intel (@Osint613) June 3, 2026
Неколку лица се повредени утрово во израелски напад со беспилотно летало што погоди возило на патот Зефта-Кфарва во јужен Либан, објави Либанската национална новинска агенција (ННА).
Нападот беше извршен откако Израел и Либан постигнаа договор за прекин на конфликтот со посредство на САД за време на разговорите во Вашингтон.
Либанските државни медиуми објавија дека израелски беспилотни летала извршиле повеќе напади утрово на различни локации на југот на земјата, пренесува Ал Џезира.
Според објавениот договор, прекинот на огнот е условен од целосно прекинување на огнот од страна на Хезболах и повлекување на своите оперативци од областа јужно од реката Литани, додека се очекува либанската армија да преземе целосна контрола врз тие области. Сè уште не е јасно како ќе се спроведуваат предвидените безбедносни зони.
