Во Бугарија во 2021 година живееле 844.000 луѓе помалку отколку за време на пописот во 2011 година, соопшти Државниот статистички институт.
Во 2011 година имало 7,3 милиони Бугари, а минатата година 6,5 милиони.
Намалувањето на населението експертите го припишуваат на ниската стапка на наталитет, високата стапка на морталитет и константното заминување на работоспособните луѓе во западна Европа и на други места, во потрага по подобра работа и образование.
Бугарија со години важи за една од државите со најбрзо опаѓачко население во светот.
Од преминувањето од комунизам во капитализам пред 30 години, бројот на жители на Бугарија е намален од девет на 6,5 милиони.
Експертите на ОН проценуваат дека бројот на жители во Бугарија ќе падне на околу 5,4 милиони до 2050 година ако актуелниот тренд продолжи.
