Тој им го испратил видеото на своите пријатели преку апликацијата Снепчет.
Тој на видеото држи самострел и пред камерата се обраќа со променета боја на гласот додека носи качулка.
„Ова е одмазда за оние кои загинаа во масакрот во Џалијанвала Баг во 1919 година. Жал ми е. Жал ми е за она што го направив и што ќе го направам. Ќе се обидам да ја убијам Елизабета, британската кралица“, вели тој во видеото, а потоа ги наведува причините.
„Исто така е и одмазда за оние кои беа убиени, понижени и дискриминирани поради раса. Јас сум индиски Сик, Сит. Моето име беше Џасвант Синг Чеил, а сега е Дарт Џонс“.
On today’s front page: Chilling moment masked man with crossbow threatens to kill Queen in video sent to pals minutes before cops arrest teen https://t.co/sjfk4y3CqV pic.twitter.com/GFjzSA8vpI
— The Sun (@TheSun) December 27, 2021
Во Војна на ѕвездите, Сит се непријатели на Џедаите и ѝ служат на темната страна на Силата. Масакрот во Џалијанвал Баг се случи во Индија во 1919 година, кога британските колонијални трупи убиле меѓу 380 и 1.000 мирни демонстранти и раниле уште 1.200 луѓе.
Осомничениот додава дека не очекува да преживее по нападот на кралицата.
Полицијата го фатила 19-годишното момче на Божиќ во 8.30 часот во кралската палата откако биле активирани алармите и бил забележан на безбедносните камери.
Кралицата, која се наоѓала на само 500 метри од него, во тоа време појадувала и била информирана за упадот заедно со другите членови на кралското семејство присутни во замокот.
Останува нејасно како и кога влегол во замокот.
