Како што наведуваат, вчера се случила силна експлозија на нафтоводот Рјазан-Москва, една од главните линии за снабдување на руската престолнина со нафтени деривати.
An explosion reportedly hit the Ryazan-Moscow oil pipeline on August 26, one of the key fuel supply routes to the Russian capital. The pipeline, repurposed in 2018 by Transneft to transport gasoline—also used by Russia’s military—is now out of operation, RBC-Ukraine reports. pic.twitter.com/qF3Yz4M60X
— NOELREPORTS 🇪🇺 🇺🇦 (@NOELreports) August 27, 2025
Според извори од ДИУ, откако локалните канали Телеграм во Рјазан пријавиле „силна експлозија“ на дел од нафтоводот, избувнал голем пожар. Пожарникари и амбулантни екипи биле испратени во рок од неколку часа за да го изгаснат пожарот, пренесува Укринформ.
Жителите известија дека во реонот на селото Божатково во округот Рјазан се наоѓаат полициски и други екипи кои работат на отстранување на последиците од експлозијата и пожарот.
Според украинските медиуми, овој гасовод бил пренаменет од страна на Транснефт во 2018 година за снабдување со бензин и гориво на руската војска.
Транснефт и регионалните претставници сè уште немаат коментар за пожарот или неговите можни причини.
Според ДИУ, поради инцидентот, протокот на нафтени деривати кон Москва е прекинат на неодредено време. Тие наведуваат и дека Транснефт моментално работи на проценка на штетата.
Рјазан е оддалечен приближно 180 километри од Москва и околу 500 километри од украинската граница. Во текот на војната, украинските сили постојано ја напаѓаа руската енергетска инфраструктура со саботажи и напади со беспилотни летала за да ги поткопаат приходите на Русија од гас и нафта.
