Специјалниот портал за ракометна статистика „Дата Хендбол“ излезе со податоци кои потврдуваат колку добра беше минатата сезона на Вардар во која црвено-црните се вратија на тронот.
Вардар е единствениот ракометен клуб кој минатата сезона победил на сите официјални домашни натпревари. Одиграл 22 и славел исто толку победи. Со ваков успех ниту еден друг клуб во Европа не може да се пофали.
Најмногу домашни победи има остварено Алборг, но тие имаат еден пораз. Магдебург и Кристијанштад имаат по два порази, а Барселона и Веспрем по трипати капитулирале на домашно тло.
Во статистиката се земени во предвид само екипите кои лани имале над 20 официјални домашни натпревари. Тука се вбројуваат натпреварите од европските и домашните првенства.
View this post on Instagram
