Бројни извештаи опишуваат заеднички план на Соединетите Американски Држави и Израел за испраќање оружје до курдските групи и евентуално поддршка на вооружен бунт против Техеран.
Се проценува дека протекувањето информации до медиумите, лобирањето од меѓународните актери, вклучувајќи го и турскиот претседател Реџеп Таип Ердоган, и претпазливоста на самите Курди довеле до тоа Трамп конечно да ја напушти идејата, пишува Тајмс оф Израел.
Trump:
We actually sent the Kurds weapons, and we were very disappointed by the Kurds, to be honest with you. The Kurds let us down.
I think they kept them for themselves. I think it’s a disgrace. But I’ll remember that, Kurds. I’ll remember that.pic.twitter.com/IvWKQMkTvB
— Clash Report (@clashreport) June 11, 2026
Трамп постојано тврди дека САД ги снабдувале со оружје Курдите, кои наводно го задржале наместо да го користат за борба против Иран. „Искрено, Курдите нè изневерија. Не се согласував со таа одлука. Велев: „Не, не верувам дека ќе го остварат тоа“, изјави Трамп денес за Фокс њуз.
„Мислам дека го задржаа американското оружје за себе. Мислам дека е штета, но нема да им го заборавам тоа“, додаде Трамп.
Тој жестоко го критикуваше медиумското известување за војната во Иран, тврдејќи дека дури и иранските функционери биле изненадени од тоа колку добро се снаоѓаат „во весниците“. Потоа го пофали известувањето на дописникот за надворешна политика на Фокс њуз Треј Јингст.
