Фудбалерот кој зад себе има богата и успешна кариера отворено зборува за своите почетоци, најважните моменти од професионалниот пат и искуствата стекнати низ годините во Македонија и странство.
Велковски првпат го привлече вниманието на македонската фудбалска јавност како 16-годишник во дресот на Работнички, кога настапи против италијанскиот гигант Лацио. Кариерата ја започна во Македонија Ѓорче Петров, продолжи во Работнички под водство на Горан Петрески, а потоа настапуваше за Вардар, Ријека, Ал-Етифак, Динамо Букурешт и Зрињски Мостар.
Еден е од ретките македонски фудбалери кои настапиле и на младинско и на сениорско Европско првенство со националниот тим, а каде и да играше освојуваше титули и трофеи. Денес, на 31-годишна возраст, повторно е дел од Вардар и сезонава 2025/26 ја круниса со нова шампионска титула.
Погледнете го целото интервју и дознајте повеќе за патот на Дарко Велковски, предизвиците со кои се соочувал, најубавите моменти од кариерата и неговите планови за иднината.
