Рускиот министер за надворешни работи Сергеј Лавров изјави вчера дека амбасадорите на Британија, Франција и Германија „побарале средба“ со неговиот заменик за да разговараат за војната во Украина.
„Ќе се сретнеме со нив и ќе ги сослушаме. Ќе биде интересно да се чуе како ги презентираат своите ставови и дали нудат нешто што би можело да поттикне конструктивно размислување“, ја пренесе Комерсант изјавата на Лавров.
Тој додаде дека Русија нема да „обрнува внимание“ на европските изјави за желбата за почнување преговори сè додека не се убеди во нивната сериозност. Лавров кажа и дека смета дека е малку веројатно Европската Унија да доживее „некаков вид чудо“ во врска со нејзината желба да учествува во решавањето на ситуацијата во Украина.
Руското Министерство за надворешни работи подоцна објави дека Галузин „им ги објаснил руските пристапи кон барање дипломатско решение за конфликтот во Украина“ на амбасадорите на Британија, Франција и Германија.
Според медиумските извештаи, Германија, Франција и Британија развиваат план насочен кон вклучување на рускиот претседател Владимир Путин во преговорите. Европските лидери, исто така, имаат намера да ги искористат средбите со американскиот претседател Доналд Трамп на самитот на Г7 за да го повикаат да ги поддржи плановите за обновување на мировните преговори меѓу Русија и Украина.
