„Би одел во Пакистан, да“, изјави Трамп пред новинарите во Белата куќа, пренесува Си-ен-ен.
„Доколку се постигне договор во Исламабад, можеби ќе одам. Тие сакаат да одам“, кажа Трамп.
Американскиот претседател ги пофали пакистанските медијатори во преговорите за завршување на војната.
„Иран сака да постигне договор, а ние се однесуваме многу убаво кон нив. Тие не можат да имаат нуклеарно оружје, тоа е голем фактор. Тие се подготвени денес да прават работи кои не беа подготвени да ги прават пред два месеци“, кажа Трамп.
Трамп изрази очекување дека цените на нафтата ќе паднат на нивоата од пред војната штом се постигне договор, додавајќи дека цените сега „не се многу високи“.
Цените на гасот значително се намалија во последните три или четири дена, кажа тој, додавајќи дека во моментов „преговорите се многу успешни“.
„Ако постигнеме договор, ќе имаме слободен Ормуски теснец, сè ќе биде во ред. И мислам дека цената на нафтата ќе биде пониска отколку што беше порано“, оцени Трамп.
