На усвојувањето на законот му претходеше бурна ноќ во која опозициските демократи прибегнаа кон разни методи на успорување на процедурата, а тројца сенатори од редовите на владејачката Републиканска партија одбија да гласаат за законот, па резултатот од гласањето беше 50:50, според американските медиуми.
По „златниот глас“ на Венс, законот беше изгласан со најмало можно мнозинство, а сега се враќа на повторно разгледување во Претставничкиот дом на САД, каде што републиканците имаат уште помало мнозинство отколку во Сенатот.
Со големи тешкотии го „протуркаа“ низ долниот дом на Конгресот и претходниот пат.
Законот е клучен дел од реформската агенда на републиканскиот претседател на САД Доналд Трамп.
Како што пишува Асошиејтед прес, кога законот стигна до горниот дом, Сенатот, по неговото усвојување во Претставничкиот дом, тој се нишаше на работ да не биде усвоен.
Бројни одредби од законот беа нападнати од сенатскиот „парламентарец“, непартиско тело кое контролира дали одредбите од законскиот предлог се во согласност со буџетските правила на Сенатот.
Тука, предлогот претрпе разни измени.
Сепак, тој остана неприфатлив за тројца републикански сенатори – Том Тилс од Северна Каролина, Сузан Колинс од Мејн и Ренд Пол од Кентаки. Тие им се придружија на своите колеги од Демократската партија, кои ги има 47 во Сенатот.
Законот немаше да биде усвоен доколку сенаторката Лиза Мурковски од Алјаска не гласаше за законот во последен момент, која исто така се спротивстави на него и поднесе амандмани.
„Овој одличен, но не толку убав закон е усвоен“, рече либертаријанецот Ренд Пол по гласањето.
Се чека повторното гласање во Претставничкиот дом, бидејќи Сенатот го измени законот, а клучниот проблем за републиканците, покрај противењето од екстремното десно крило на партијата, остануваат многу непопуларните намалувања на здравствената програма Медикејд.
Умерените републиканци се плашат од реакција од гласачите за намалувањата на Медикејд, а крајно десничарските конзервативци бараат уште поголеми намалувања и заштеди од оние предвидени во законот.
Доналд Трамп го одреди 4 јули, главниот државен празник во САД, како краен рок за усвојување на неговиот „убав голем закон“.
Лидерот на демократското малцинство во Сенатот, сенаторот Чак Шумер од Њујорк, кажа дека „републиканците се распаѓаат затоа што знаат колку е непопуларен овој закон“.
На законот повторно се спротивстави до неодамна големиот сојузник на Доналд Трамп, милионерот Илон Маск, кој ги обвини републиканците дека го зголемиле ограничувањето на задолжувањето на пет милијарди долари наместо да штедат.
Поради овој закон, неодамна имаше многу остри зборови меѓу Трамп и Маск. Конфликтот се смири, но пред усвојувањето повторно избувна.
