По израелските и американските напади, „преговорите за прекин на нуклеарната програма на Иран треба да продолжат што е можно поскоро“, како и „соработката“ со Меѓународната агенција за атомска енергија (МААЕ), напиша Каја Калас на платформата Икс.
„ЕУ е подготвена да го олесни ова“, додаде таа.
Според неа, секоја закана за повлекување од Договорот за неширење на нуклеарно оружје не помага во намалувањето на тензиите.
Арагчи во понеделникот ја отфрли можноста за брзо продолжување на разговорите со САД за нуклеарната програма и повтори дека Техеран прво мора да се погрижи Вашингтон да не продолжи со своите напади врз Иран.
САД и Иран разговараа за нуклеарната програма на Техеран кога Израел ги нападна иранските нуклеарни постројки и воената инфраструктура на 13 јуни, пред САД да бомбардираат три нуклеарни постројки на 21 јуни.
