Ова е второ такво пресретнување во изминатата недела.
Коалицијата „Флотила на слободата“ (ФФЦ) е меѓународна мрежа на пропалестински активистички групи што организираат цивилни поморски мисии насочени кон пробивање на израелската блокада на Газа со цел да им достават хуманитарна помош на Палестинците во енклавата.
Израелското Министерство за надворешни работи во соопштението на Икс изјави дека бродовите и патниците на флотилата се безбедни, префрлени се во израелско пристаниште и се очекува брзо да бидат депортирани.
„Уште еден залуден обид за пробивање на законската поморска блокада и влегување во борбената зона заврши без никакви резултати“, соопшти министерството.
Инцидентот е втор во последните денови, откако Израел пресретна околу 40 бродови и приведе повеќе од 450 активисти во хуманитарниот конвој „Глобал Сумуд флотила“, кој исто така се обидуваше да достави залихи во Газа.
ФФЦ соопшти дека израелските сили „ја киднапирале хуманитарната флота“, додавајќи дека „бродовите биле нелегално пресретнати… Учесниците – хуманитарни работници, лекари и новинари од целиот свет – биле земени против нивна волја и држени во непознати услови“.
„Израелската војска нема законска надлежност над меѓународните води“, рекоа тие.
„Нашата флотила не претставува закана“.
View this post on Instagram
Бродовите носеле помош во вредност од повеќе од 110.000 долари во лекови и друга медицинска опрема и залихи со храна за болниците во Газа, додадоа тие на својот Инстаграм профил.
Според властите во Газа, од нападот на Хамас врз Израел на 7 октомври 2023 година, околу 67.000 луѓе се убиени во израелски напади, а палестинската енклава е уништена.
Според израелските податоци, во нападот на Хамас загинале 1.200 луѓе, а 251 лице биле земени како заложници во Газа.
