Ливерпул одигра уште една моќна партија во Премиерлигата, овојпат жртва беше тимот на Саутемптон.
А дека на противникот не му се пишува добро се виде уште во втората минута кога по асистенција од Робертсон, Жота погоди за водство на Ливерпул од 1-0.
Во 32. минута нов гол на Жота, напаѓачот овојпат погоди по асистенција од Салах.
Само пет минути подоцна во листата на стрелци се запиша и Тијаго Алкантара кој зголеми на 3-0, веќе беше јасно кој ќе го добие овој меч.
По седум минути игра во второто полувреме, Ван Дајк постигна гол и ги постави конечните 4-0.
Стивен Џерард во својот втор меч како тренер на Астон Вила ја забележа и втората победа, овојпат на гостински терен кај Кристал Палас со 2-1.
Таргет во 15. минута донесе водство од 1-0 за Вила, а Мекгин во 86. минута зголеми на 2-0.
Кристал Палас во 95. минута успеа преку Гуеи само да постигне почесен гол.
Немаше голови на мечот меѓу Норич и Вулвс.
