Јулијан Нагелсман доби уште едно засилување, Баерн Минхен го ангажираше Марсел Сабицер од РБ Лајпциг.
Фудбалерот од средниот ред пристигнува на „Алианц Арена“ во зделка вредна 15-16 милиони евра, и се обврза кон „баварците“ до 30. јуни 2025 година.
„Задоволен сум што ми се укажа шанса да заиграм за Баерн. Како дете, дресот од Баерн ме правеше горд и среќен. Секој Божиќ за подарок добивав дрес од Баерн. Ќе го оставам срцето на терен за овој клуб, сакам да победам на што е можно повеќе натпревари и да освојам многу титули“ – рече фудбалерот од Австрија по преселбата во Минхен.
