Белоусов и Ким разговараа за состојбата и перспективите на воената соработка меѓу Москва и Пјонгјанг, објави руското Министерство за одбрана.
„Се договоривме со Министерството за одбрана на ДНРК да ја поставиме воената соработка на стабилна и долгорочна основа. Подготвени сме оваа година да потпишеме план за руско-корејска воена соработка за периодот од 2027 до 2031 година“, рече Белоусов.
Kuzey Kore Lideri üçlü masayı kurmuş!
Rusya Savunma Bakanı Andrey Belousov, Kuzey Kore Kim Jong-un ile başkent Pyongyang bir araya geldiler. pic.twitter.com/DPv9NzLxDU— Sinan AKYÜZ (@SinanAkyuz73) April 26, 2026
Министерот нагласи дека за него е „голема чест“ да се сретне со Ким и му се заблагодари за „традиционално топлиот прием“ на руската делегација во Пјонгјанг.
„Руско-корејските меѓудржавни односи се на невидено ниво“, рече Белоусов.
„Оваа година ветува дека ќе биде подеднакво богата со настани во однос на билатералните контакти во голем број области“.
Тој додаде дека Москва високо ја цени одлуката на севернокорејскиот лидер да ја покани руската воена делегација на отворањето на музеј и меморијален комплекс посветен на борбените активности на корејскиот воен персонал во странство.
„Голема чест и привилегија е за нас да учествуваме на овој историски настан“, рече тој.
