Според студијата на која се повикува Сајенс њуз, истражувачите веруваат дека постојат индикации дека неандерталците користеле камени алатки за дупчење на оштетени заби, веројатно во обид да ја ублажат болката, објави РИА Новости.
„Откривањето на древен човечки катник сугерира дека неандерталците понекогаш дупчеле заболени заби со камени алатки, што укажува дека можеби знаеле за можноста за ублажување на силната забоболка со таков третман“, се вели во извештајот.
Заб стар околу 59.000 години е пронајден во пештерата Чагирскаја во Алтајските планини во Сибир и се смета за еден од најстарите докази за можни стоматолошки интервенции кај хоминидите.
Un diente neandertal de casi 60 mil años de antigüedad, descubierto en la Cueva de Chagyrskaya (Siberia), ha revelado que esta especie poseía conocimientos médicos y quirúrgicos avanzados. pic.twitter.com/9cawafblmD
— El Independiente (@ElIndpendiente) May 13, 2026
Истражувачите наведоа дека на забот се гледа голема дупка што се протега од површината за џвакање до забната комора, што укажува на намерно дејствување, а не на природно оштетување.
Антропологот од Универзитетот во Аризона, Џон Олсен, оцени дека наодот укажува на високо ниво на рачни вештини и когнитивни способности потребни за извршување на вакви интервенции.
