“Примероците се наоѓаат на кинеската вселенска станица, а истражувањето добро напредува”, соопштија кинеските научници, пренесува агенцијата Синхуа.
Примери од човечки вештачки ембриони, донесени од товарниот вселенски брод „Тјанџоу-10“, лансиран претходно оваа недела, се инсталирани во експерименталниот модул на вселенската станица, соопшти Центарот за вселенска технологија и инженерство при Кинеската академија на науките.
Ју Лекјан, раководителот на проектот, рече дека целта на истражувањето е да се спроведат прелиминарни истражувања за долгорочно престојување, опстанокот и репродукцијата на луѓето во вселената.
„Човечкиот вештачки ембрион е направен од човечки матични клетки како суровини. Ова не е вистински човечки ембрион и нема способност да се развие во човечка индивидуа. Сепак, може да послужи како модел за проучување на раниот човечки развој“, објасни Ју.
