Русија денес изврши напад врз Украина, таргетирајќи критична инфраструктура, при што на западот на земјата загинаа најмалку три лица, а Полска, како членка на НАТО, ги подигна своите борбени авиони.
Претходно денес, Маѓар во видеообјава на Фејсбук изјави дека Унгарија остро ги осудува руските напади со дронови врз областите во западна Украина населени со унгарско малцинство.
„Рускиот амбасадор е повикан утре наутро во Министерството за надворешни работи на средба со министерката за надворешни работи Анита Орбан“, изјави Маѓар на прес-конференција по првиот состанок на новата унгарска влада.
Тој додаде дека таа за време на средбата ќе го осуди нападот и ќе го праша амбасадорот кога Русија има намера да ја заврши војната со Украина.
Владата на поранешниот унгарски премиер Виктор Орбан одржуваше блиски односи со Москва и по почетокот на руската инвазија врз Украина во 2022 година, пишува Ројтерс.
