Додека НАСА се подготвува да се врати на Месечината како дел од својата програма „Артемис“, таа ги ангажираше Аксиом Спејс и Прада да создадат нови, високотехнолошки вселенски одела.
Неодамна видовме како ќе изгледа елегантното одело на Аксиом однадвор, а сега го покажа внатрешниот слој од ЛЦВГ (облека за ладење и вентилација со течност) дизајниран во соработка со Прада, кој ќе им помогне на астронаутите да одржуваат удобна температура на површината на Месечината.
ЛЦВГ „ќе биде еден од ретките слоеви помеѓу астронаутите и суровата вселенска средина“, објави Аксиом. Неговата задача е да ја отстрани телесната топлина и да ја исфрли во вселената со циркулација на вода низ цевки што се протегаат низ целиот костум преку главните мускулни групи на телото. Исто така, служи и за вентилација со посебни цевки што носат свеж кислород до лицето на астронаутот за континуирано отстранување на издишаниот јаглерод диоксид. За разлика од претходните вселенски одела, ЛЦВГ има резервно коло за ладење доколку примарното коло откаже.
Можеби звучи чудно да се ангажира компанија од висока мода за дизајнирање на вселенски костум, но Прада знае како да крои облека и носи експертиза во „дизајн, кроење и напредни материјали“, рече главниот маркетинг директор на компанијата, Лоренцо Бертели.
Освен тоа, ако се дизајнира нов вселенски костум од нула, тој треба да биде елегантен, секако, под услов тоа да не влијае на функционалноста.
