Според него, надлежните служби остануваат на терен и продолжуваат со активности за целосно стабилизирање на депонијата.
„На терен активно работи голем број градежна механизација – багери, кипери, камиони и друга опрема, со цел побрзо и поефикасно справување со последиците од пожарот и целосна санација на теренот. Во тек е потрупување со земја и песок со цел целосно задушување на жариштата и спречување на понатамошно ширење“, напиша градоначалникот на социјалната мрежа.
Пожарот на депонијата во Радовиш избувна пред шест денови, а вчера градоначалникот на Радовиш и командант на Кризниот штаб издаде повеќе препораки до граѓаните да се избегнува непотребен престој на отворено, да се ограничи движењето и да се користат заштитни маски.
