Информацијата ја потврдил директорот на затворот Шутка, Филип Андов.
Според Андов, по барање на бранителите Камчев со амбулантно возило од затворот бил префрлен на Кардиологија.
„Се жалел на гушење и болки во градите и како што не информираа ќе биде задржан на клиниката за понатамошни испитувања”, изјавил Андов.
Камчев досега три месеци е во притвор во затворот во Шутка. Иако понуди гаранција од 1,7 милион евра за да се брани од слобода, Апелацискиот суд го одби барањето со образложение дека и натаму има опасност од бегство.
Камчев на 16 јули треба да седне на обвинителна клупа кога започнува судскиот процес против него.
