„Ова е коалицијата ‘Најдоброто за мојата општина’, фаворит, победник на изборите. Имаме знаење, волја и мотивација, план и програма за решавање на проблемите на граѓаните. Принципите зад кои заеднички застануваме се препознатливиот печат – работа во интерес на сите“, истакна Заев.
Според него, коалицијата на изборите ќе има широка кадровска понуда во првиот и вториот изборен круг.
Ввредносниот граѓански концепт на „едно општество за сите”, значи продолжување на успешната коалициска соработка со партнерите ДУИ, БЕСА и ДПА на локалните избори, рече Заев, преку изградени критериуми за заемна поддршка на кандидатите со најдобра програма и најголема доверба кај граѓаните.
Заев подвлече и дека денешното потпишување на Договорот има симболика.
„На државотворни партии им приличи да склучат Договор токму на Денот на независноста, денот на кој одбележуваме 30 години сувереност и државност“, подвлече Заев.
