Во соопштението се наведува дека ракетата полетала без никакви проблеми од космодромот Бајконур во Казахстан, пренесе британската агенција Ројтерс на својот сајт.
Според соопштението на Роскосмос, ракетата „Сојуз-5“, која агенцијата ја опишува како лансирно возило опремено со најмоќниот мотор со течно гориво во светот, ја напуштила лансирната рампа на 30 април во 21:00 часот по московско време (20:00 часот по средноевропско време).
Новото лансирно возило е способно да носи товар до 17 метрички тони, значително ќе ги намали трошоците за лансирање и треба да е поефикасно од неговите претходници во поставувањето објекти, вклучително и сателити, во ниската орбита на Земјата, соопшти агенцијата.
Шефот на Роскосмос Дмитриј Баканов го опиша како „нова фаза во истражувањето на вселената“, додавајќи дека тоа ќе создаде нови работни места во Русија и Казахстан.
Баканов кажа дека Сојуз-5 е првото ново лансирно возило развиено од Русија од 2014 година.
