„Цели 14 денари по литар се давачките кои се арач на државата што го зема Заев и потоа тие пари преку криминални тендери завршуваат во џебовите на СДСМ и на функционерите околу Заев, но и на самиот Зоран Заев. На просечно семејство за еден автомобил, во изминативе четири години за 600 денари во просек месечно му се зголемиле давачките“, рече Арсовсвки.
Според ВМРО-ДПМНЕ, над 50 милиони евра годишно власта на СДСМ ќе земе од граѓаните преку покачувањето на горивата, пари, кои според портпаролот, ќе завршат во џебовите на СДСМ преку криминални тендери.
„Додека граѓаните ги ограбува оваа власт, СДСМ и Заев ја задолжија државата и граѓаните за над 7 милијарди евра, од кои 2.4 милијарди евра е нов долг, само во време на СДСМ и Заев изминативе 4 години“, рече Асовски.
