Исен Шабани, градоначалникот на Врапчиште, лани ги пречекорил границите на своето службено овластување и постапил спротивно на член 157 став 1 од Законот за јавни набавки со тоа што склучил Договор за набавка на работи – реконструкција на локален пат во Добридол без да ја дочека конечната одлука по поднесена жалба од Државната комисија за жалби по јавни набавки, која одлуката за избор ја поништила.
И покрај ваквата одлука од страна на Државната комисија за жалби по јавни набавки, пријавениот извршил плаќање според договорот во вкупен износ од 11.848.675 денари. Со ова градоначалникот Шабани му овозможил на правното лице да се стекне со противправна имотна корист, соопшти Управата за финансиска полиција.
