Вашингтон, исто така, повторно воведе економски санкции врз иранската нафта.
Двете страни се обвинуваат меѓусебно за кршење на меморандумот за разбирање, потпишан на 17 јуни, за завршување на војната што започна на 28 февруари со американско-израелскиот напад врз Исламската Република.
Договорот вклучуваше повторно отворање на Ормускиот теснец, низ кој вообичаено минуваат 20 проценти од светската сурова нафта и течен природен гас, чие затворање ја дестабилизираше глобалната економија и предизвика нагло зголемување на цените. Меморандумот, исто така, вклучуваше укинување на американските санкции врз иранската нафта.
Три брода беа нападнати вчера во Ормускиот теснец, соопшти во вторник британската агенција за поморска безбедност УКМТО. Катар и Саудиска Арабија го обвинија Иран за двата напади.
Осудувајќи ги „иранските напади и флагрантните прекршувања на прекинот на огнот“, американската војска започна серија напади врз Иран, тврдејќи дека погодила повеќе од 80 цели, вклучувајќи ирански системи за воздушна одбрана, соопшти Централната команда на САД (Центком).
Иран, чии медиуми во вторникот објавија за експлозии на локации во близина на Ормускиот теснец, веднаш ги предупреди САД за „кршењето“ на меморандумот за разбирање, наведувајќи дека ќе „преземе решителни мерки за заштита на своите интереси и национална безбедност“.
Иран, чии медиуми во вторникот објавија за експлозии на локации во близина на Ормускиот теснец, веднаш ги предупреди САД за „кршењето“ на меморандумот за разбирање, наведувајќи дека ќе „преземе решителни мерки за заштита на своите интереси и национална безбедност“.
Иранската револуционерна гарда, идеолошката армија на Иран, рано утрово објави дека нападнала 85 објекти во американските воени бази во Кувајт и Бахреин.
Други детали за иранскиот напад сè уште не се објавени.
