„Комисиската расправа ќе трае 10 дена и преку неа, преку одговорна дебата ќе понудиме соодветно образложени аргументи и објаснувања, потврдувајќи ги фактите дека понудениот ребаланс е одлика на една неодговорна власт која ниту се обидува, ниту пак сака да размислува стратешки и перспективно и во интерес на државата и нејзините граѓани“, рече Муцунски.
Пред новинарите ја критикуваше власта за јавниот долг во земјава кој го достигнал највисокото ниво во нашата историја.
„Сите ние должиме над 7 милијарди евра, што претставува 63% од Бруто домашниот производ. Нашата држава никогаш не била позадолжена. СДСМ кога ја презеде власта во Република Македонија јавниот долг изнесуваше 4,7 милијарди евра и беше на ниво од 46%. За само 4 години владеење на СДСМ јавниот долг е зголемен за нови 2,4 милијарди евра.
Владејачката структура ни објаснува дека со ребалансот се зголемувале капиталните расходи и велиме тоа е одлична вест, но доколку ова ветување беше дадено од страна на Влада што знае да гради и исполнува. За жал вистината е сосема поинаква.
Ако пред 2018 година, 10% од Буџетот се трошел на капитални расходи, сега тој процент е помеѓу 6 и 7. Се ветува дека ќе се намали ДДВ-то на струјата, но фактички цената на струјата согласно посебната одлука на Регулаторната комисија за енергетика гледаме дека расте“, изјави Муцунски.
Според него, овој ребаланс потврдува дека Македонија се наоѓа во длабока економска криза.
