На 16 април во 16:00 часот во Битола, полициски службеници од СВР Битола го лишиле од слобода Г.Б. (43) од Битола, откако физички ја нападнал својата мајка.
Истиот ден околу 11:00 часот во СВР Куманово, 65-годишна жена пријавила дека подолг период нејзиниот син И.А. (35) се однесувал агресивно и психички ја малтретирал.
Во ОВР Струга, на 16 април во 10:40 часот, 56-годишна жена од струшко пријавила дека нејзиниот партнер подолг период ја малтретирал физички и психички, а истиот ден ја избркал од домот и ѝ ги одзел клучевите.
На 16 април во 19:30 часот во СВР Скопје, 59-годишна жена пријавила дека на подрачјето на Центар нејзиниот поранешен сопруг Љ.Ц. (65) ѝ упатувал закани кон неа и нивниот син.
На 17 април во 00:15 часот во СВР Скопје, 48-годишна жена пријавила дека на 15 април нејзиниот поранешен партнер Д.Н. (51) телефонски ѝ упатувал закани кон неа, нејзините деца и кон нејзиниот поранешен партнер.
Од полицијата информираат дека се преземаат мерки за целосно расчистување на случаите, по што ќе бидат поднесени соодветни пријави.
