УСГС регистрирал земјотрес со магнитуда од 7,7 степени во близина на брегот североисточно од Каракас на 29 октомври 1900 година, кој предизвикал „значителна штета“, според агенцијата.
Првичниот потрес со магнитуда од 7,2 степени во Венецуела се случи во средата во 18:04 часот по локално време, околу 200 километри западно од Каракас. По него следеше втор земјотрес со магнитуда од 7,5 степени на 45 километри оддалеченост, по што следеа околу 20 последователни потреси, според УСГС, кој го опиша настанот како „катастрофа за која се очекува да е од значителни размери“.
Venezuela looks like it was BOMBED after two MASSIVE 7.1 and 7.5 magnitude earthquakes.
Pray for the people, this is really bad pic.twitter.com/pIw8ywXzYe
— Ryan Rozbiani (@RyanRozbiani) June 25, 2026
Според првичните податоци, најмалку 32 лица загинале, а повеќе од 700 се повредени. Но, се стравува дека бројот на загинати би можел да биде драстично поголем.
Десетици згради се урнаа или се сериозно оштетени во федералната покраина Ла Гваира, северно од Каракас, откако двојниот земјотрес ја погоди земјата, објави денес Франс прес.
Очевидци забележале многу луѓе како ги бараат своите најблиски меѓу урнатините во темница поради прекинот на снабдувањето со електрична енергија.
Неколку земји понудија помош за Венецуела, вклучувајќи ги и САД, кои ќе испратат спасувачки екипи и хуманитарна помош, јавуваат агенциите.
Солидарност и поддршка изразија многу јужноамерикански, како и европски и светски земји.
Шефот на американската дипломатија Марко Рубио објави на социјалната платформа Икс дека САД стојат покрај венецуелскиот народ во овој тежок момент и дека Стејт департментот веднаш ќе испрати спасувачки екипи, медицински работници и хуманитарна помош во Венецуела по наредба на претседателот Доналд Трамп.
Тој изрази сочувство до народот на Венецуела.
Edificio Oasis, Playa grande
La Guaira, Venezuela
Totalmente colapsado !
Tremendo como se oyen los gritos!! pic.twitter.com/pY8pSy2SPr— Alerta Mundial (@TuiteroSismico) June 25, 2026
Привремената претседателка на Венецуела Делси Родригез објави на Икс дека разговарала по телефон со Рубио, кој изразил солидарност за народот на Венецуела во тешкиот момент.
Мексиканската претседателка Клаудија Шајнбаум изрази солидарност со Венецуела во објава на Икс, велејќи дека наредила подготовка на потребната помош за земјата, која побарала спасувачки екипи и здравствени работници.
Салвадорскиот претседател Наиб Букеле објави дека 300 спасувачи и 50 тони опрема, лекови и неопходни работи се подготвени за Каракас.
Индискиот премиер Нарендра Моди, од друга страна, кажа дека Индија е подготвена да ѝ помогне на Венецуела и изрази длабоко жалење за уништувањето и солидарност со погодените. Кина објави дека е подготвена да ѝ ја обезбеди на Венецуела „целата потребна помош“.
Así se vio el Terremoto en caracas VENEZUELA, La pastora se rumora que los temblores continuarán así que todos permanezcan en un lugar seguro y aseguren a sus familiares, DIOS TIENE EL CONTROL😖🙏🏽 pic.twitter.com/aeG9vB7oXT
— BAEZ👑 (@Baeztvshow) June 24, 2026
Изрази на поддршка и солидарност се испратени и од Европа. „Нудиме целосна поддршка на венецуелскиот народ по разорните земјотреси“, рече шпанскиот премиер Педро Санчез, додавајќи дека Шпанија е подготвена да испрати сета потребна помош.
Германската војска соопшти дека е подготвена да испрати итна помош во Венецуела, испраќајќи шест авиони за помош и спасувачи. Италијанската премиерка Џорџа Мелони изјави дека со загриженост ги следи последиците од земјотресот, а владата во Рим е подготвена да обезбеди помош и ќе побара од Европската унија да го активира механизмот за цивилна заштита.
