Поради ова правило, уште пред последното коло дури девет селекции останаа без резултатски мотив, а најконтроверзната ситуација се создаде во групата Ј. Австрија и Алжир ќе играат за второто место, но поради однапред утврдениот костур во нокаут-фазата, второпласираниот тим ќе се соочи со Шпанија, додека третопласираниот ќе добие далеку поповолен ривал и потенцијално полесен пат кон четвртфиналето.
Токму затоа се појавија стравувања дека двете селекции би можеле да калкулираат со резултатот, наместо да играат на победа, а дел од јавноста веќе предупредува на сценарио слично на „Срамот во Хихон“ од 1982 година кога Австрија и Германија одиграа срамен натпревар.
Многу навивачи и аналитичари сметаат дека со новите правила ФИФА ја намали неизвесноста во групната фаза и создаде простор за несакани контроверзии.
