Министерот за одбрана на Украина ја предводи делегацијата на својата земја на разговорите кои се дел од дипломатските напори на американскиот претседател Доналд Трамп да стави крај на тригодишната војна. Средбата на делегацијата на САД и Украина им претходеше на разговорите меѓу американската и руската делегација закажани за понеделник.
Состанокот следи по серијата разговори одржани во Саудиска Арабија, прво меѓу САД и Русија, а потоа и меѓу САД и Украина, кога Киев го прифати предлогот за 30-дневен прекин на огнот. Путин се согласи привремено да ги запре нападите врз украинските енергетски постројки, но одби да одобри целосен 30-дневен прекин на огнот.
Украинскиот претседател Володимир Зеленски во вечерното обраќање рече дека средбата меѓу украинската и американската делегација во Саудиска Арабија била „конструктивна и корисна“ и оти е постигнат напредок за клучни прашања. „Нашиот тим работи многу конструктивно, а дискусијата беше многу корисна. Работата на делегациите продолжува“, рече Зеленски.
Last night in Kyiv, tragically, three people were killed by Russian drones, including a father and his five-year-old daughter. Just a day earlier in Zaporizhzhia, a Russian strike took the lives of an entire family—a mother, a father, and their daughter. My condolences to all the… pic.twitter.com/hB6R5yn9gV
— Volodymyr Zelenskyy / Володимир Зеленський (@ZelenskyyUa) March 23, 2025
Слично мислење изрази и шефот на кабинетот на претседателот Зеленски, Андриј Јермак, додавајќи дека разговорите биле фокусирани и корисни за постигнување на стратешки цели на Украина.
Зеленски ја повика и меѓународната заедница да го зголеми притисокот врз Русија за да се постигне прекин на огнот.
„Уште од 11 март постои предлог за безусловен прекин на огнот со кој би се запреле вакви напади. Но токму Русија го продолжува сето ова. Без притисок врз Русија, Москва ќе продолжи да ја омаловажува вистинската дипломатија и да уништува човечки животи“, рече Зеленски. „Што и да разговараме со нашите партнери сега, Путин треба да биде принуден да издаде вистинска наредба за запирање на нападите: оној кој ја започна оваа војна мора и да ја заврши“, додаде тој.
