„По вчерашните дивјачки напади врз нашите градови и заедници – Днепар, Запорожје, Краматорск и други – руската војска продолжи со активни непријателства и терористичко гранатирање во текот на целиот ден. Изборот на Русија е јасно отфрлање на прекинот на огнот и спасувањето животи“, рече Зеленски.
„Нападите продолжуваат на сите клучни делови од фронтот, а само од почетокот на денешниот ден, руската војска веќе изврши речиси 30 напади. Само во текот на ноќта и утрото, беа регистрирани повеќе од 20 воздушни напади со над 70 воздушни бомби“, додаде тој. Зеленски извести дека до 10 часот наутро руските сили извршиле 1.820 прекршувања на примирјето, вклучувајќи бомбардирања, обиди за напади, воздушни напади и употреба на беспилотни летала.
After yesterday’s savage strikes against our cities and communities – Dnipro, Zaporizhzhia, Kramatorsk, and others – the Russian army continued active hostilities and terrorist shelling throughout this day as well. Russia’s choice is an obvious spurning of a ceasefire and of…
— Volodymyr Zelenskyy / Володимир Зеленський (@ZelenskyyUa) May 6, 2026
Украина ќе дејствува во иста мерка, „земајќи ги предвид постојаните руски повици преку медиумите и социјалните мрежи за прекин на огнот за време на парадата во Москва“, рече претседателот, осврнувајќи се на прославата на Денот на победата на 9 мај.
„За секој разумен човек е очигледно дека тоталната војна и секојдневното убивање луѓе не е време за јавни „прослави“. Од денес можеме да потврдиме дека руската страна го прекршила режимот на прекин на огнот“, заклучи Зеленски.
Seven people are currently in hospitals after being injured in the Russian strike on Zaporizhzhia, while some others are still undergoing the necessary medical examinations. A total of 37 people have been affected. It was a guided aerial bomb attack that directly targeted the… pic.twitter.com/TZG0rafZ8x
— Volodymyr Zelenskyy / Володимир Зеленський (@ZelenskyyUa) May 5, 2026
Завчера, Зеленски објави воведување на прекин на огнот што требаше да започне синоќа на полноќ, но Русија официјално не одговори на тоа. Истиот ден, руското Министерство за одбрана еднострано прогласи „примирје“ за 8 и 9 мај и предупреди дека доколку парадата за Денот на победата во Москва на 9 мај биде „нарушена“, ќе започне масовен ракетен напад врз центарот на Киев.
