Оттаму додаваат дека сообраќајката се случила утринава во 5:30 часот кога возило со српски регистарски ознаки удрило во метална ограда и се превртело на патот.
Освен возачот на возилото „нисан“, 34-годишниот Н.Џ. од Република Србија, повредени се и две сопатнички. Повредените, додаваат од МВР, со возило на Итна медицинска помош се префрелни во Ургентниот центар при комплекс клиники „Мајка Тереза“.
На терен се екипи на СВР Скопје кои вршат увид под раководство на јавен обвинител.
Претходно денеска од Автомото сојузот на Македонија (АМСМ) информираа дека поради сообраќајната несреќа во прекин е сообраќајот од исклучокот од Скопје што води кон аеродромот и оти возилата се пренасочуваат преку клучката кај рафинеријата „Окта“.
Од меѓународниот аеродром „Скопје“ потврдија дека има пренасочување на сообраќајот и ги известуваат возачите да го користат излезот што води кон стариот влез за аеродромот, односно кон старата аеродромска зграда.
