Командантот на 154-тата одделна механизирана бригада на вооружените сили на Украина, полковник Володимир Олександрович Коноњиков, беше пронајден мртов во неделата, соопштија украинските воени и полициски власти. Околностите на неговата смрт сè уште не се познати и се предмет на истрага.
„Во недела, на 28 јуни, командантот на 154-тата посебна механизирана бригада, полковник Володимир Олександрович Коноњиков, беше пронајден мртов. Околностите за смртта на офицерот се под истрага“, се вели во соопштението.
Во истото соопштение се нагласува дека Коноњиков бил „офицер лојален на Украина и војската, одговорен командант кој се грижел за своите луѓе и за потребите на единицата“.
Полицијата во Запорошката област подоцна соопшти дека командант на воена единица бил пронајден мртов со прострелна рана. Иако неговото име не е официјално наведено, украински воени извори тврдат дека станува збор токму за Коноњиков, пренесува Киев Индепендент.
🕯️Colonel Volodymyr Kononnikov, commander of the 🇺🇦154th Mechanised Brigade, has been found dead. This was reported by the ‘South’ Operational Command.
The circumstances of his death are currently unknown. Law enforcement agencies are conducting an investigation and have… pic.twitter.com/JSc44QMxms
— Cloooud |🇺🇦 (@GloOouD) June 28, 2026
Украинските власти сè уште не објавија дополнителни информации за околностите на смртта или за евентуалниот мотив. Познато е дека истражителите започнале кривична постапка според членот 115 од Кривичниот законик на Украина, кој се однесува на убиство.
