Од урнатините е извлечено тело, две жени се спасени, а осум лица се водат како исчезнати, соопшти сицилијанската Цивилна заштита (ДРПЦ) во неделата нешто пред 5 часот наутро.
„Поголем број згради се урнаа по експлозијата во саботата околу 20:30 часот во Равануса, околу 110 километри југоисточно од Палермо“, соопшти ДРПЦ.
Според новинската агенција АНСА, три згради се урнале, а уште три биле оштетени.
? #Ravanusa (AG), crollo palazzina, segnalate al momento 8 persone disperse. Nell’esplosione coinvolte altre abitazioni, fiamme diffuse, ##vigilidelfuoco al lavoro con squadre #usar e cinofili [#12dicembre 00:30] pic.twitter.com/6Eceyzr6d3
— Vigili del Fuoco (@emergenzavvf) December 11, 2021
АНСА ги цитираше пожарникарите дека истекувањето гас било „многу значајно“ и почнало под земја.
„Експлозијата можеби е предизвикана од активирањето на лифтот“, изјави за агенцијата Џузепе Мерендино од противпожарната бригада на Агриџенто.
? #Ravanusa (AG), crollo palazzina, i #vigilidelfuoco hanno estratto dalle macerie una donna in vita. Proseguono senza sosta le ricerche degli altri dispersi da parte di squadre #usar e cinofili [#12dicembre 02:00] pic.twitter.com/RiJEmYRjpD
— Vigili del Fuoco (@emergenzavvf) December 12, 2021
„Ќе истражуваме дополнително во наредните денови, но сигурно е дека ваква експлозија е исклучителен настан“, објасни тој.
Една жена е спасена од зградата. Таа се здобила со полесни повреди и била пренесена во болница, каде и биле констатирани скршеници, соопшти брзата помош.
Друга жена, која рекла дека ѝ е сестра, била извлечена од урнатините неколку часа подоцна, рече Салво Коцина, командант на ДРПЦ Сицилија.
Esplode una bombola di #gas e crolla una #palazzina a #Ravanusa, nell’Agrigentino. Coinvolte anche le #palazzine limitrofe. Nel corso delle ore si sta facendo largo l’ipotesi che possa essere stato lo scoppio di un tubo del #metanodotto cittadino l’origine della tragedia. pic.twitter.com/MuGchQuf4P
— Ignazio Corrao (@ignaziocorrao) December 12, 2021
Новинската агенција АНСА ја цитираше цивилната заштита дека меѓу исчезнатите се две деца и една трудница која требало да се породи во среда.
На местото на несреќата се наоѓаат цивилна заштита, пожарникари и кучиња трагачи.
