Гај Илстрен, новинар на Вејл њуз, на својот твитер-профил објави видео снимено утрото по нападот, на кое се гледаат маса луѓе што го „преплавија“ аеродромот.
„Вака изгледа очајот. Толпи луѓе кај аеродромот во Кабул утрово, и покрај вчерашниот масакр. Велика Британија и САД предупредуваат на нови напади“, напиша тој во описот на објавата.
Во овие напади загинаа најмалку 90 луѓе. Меѓу жртвите има 13 американски војници, но и многу деца. Според последните информации, повредени се најмалку 140 Авганистанци и 18 американски војници. Исламската држава ја презеде одговорноста за нападот.
This is how desperation looks like. Huge crowds at #Kabul airport this morning, despite yesterday carnage. US and UK warn from another attacks pic.twitter.com/GNgTDJDswv
— Guy Elster (@guyelster) August 27, 2021
Најмалку шест експлозии се случија на аеродромот. Првите две експлозии на влезот на аеродромот беа најсмртоносните, проследени со експлозија на околу три километри од аеродромот, а потоа и уште најмалку три.
