Американскиот министер за одбрана додаде дека Иран сега има „важен избор“. Хегсет кажа дека Техеран има „можност да склучи договор, добар и мудар договор“.
Тој изјави дека американската поморска блокада на иранските пристаништа „се засилува секој ден“. „Нашата морнарица ја спроведува оваа блокада без двоумење и без изговори“, кажа тој, додавајќи дека уште еден носач на авиони ќе се придружи на блокадата во наредните денови.
Хегсет истакна дека блокадата „станува глобална“, што се докажува со пресретнувањето на два ирански брода во Индо-пацифичкиот регион кои пловеле пред блокадата да стапи на сила. „Никој не може да плови од Ормускиот теснец до било кое место во светот без дозвола од американската морнарица“, нагласи тој. „Пораката до режимот во Техеран е: блокадата се заострува од час во час. Ние ја имаме контролата. Ништо не влегува, ништо не излегува“.
Продолжувајќи ја својата презентација, тој кажа дека Техеран има „отворен прозорец да донесе мудра одлука“.
„Нека изберат мудро на преговарачката маса. Сè што треба да направат е да се откажат од своето нуклеарно оружје на значаен и проверлив начин. Во спротивно, можат да гледаат како кревката економска состојба на нивниот режим се распаѓа под безмилосниот притисок на американската моќ“, кажа тој. Потоа Хегсет го повтори американскиот и израелскиот став дека „Иран никогаш нема да има нуклеарна бомба“. Повторувајќи ги зборовите на Доналд Трамп, тој порача: „Со оваа блокада, времето не е на нивна страна“.
Хегсет оцени дека Европа и Азија „со децении имале корист од американската заштита, но времето на бесплатен превоз е завршено“. „Америка и слободниот свет заслужуваат способни и лојални сојузници, кои разбираат дека алијансата не е еднонасочна улица, туку двонасочна улица“, кажа тој.
Hegseth:
Europe and Asia have benefited from our protection for decades.
America and the free world need capable and loyal allies.
Time for freeriding is over. pic.twitter.com/VEtgXAifpY
— Clash Report (@clashreport) April 24, 2026
„Не сметаме на Европа, но ним им е потребен Ормускиот теснец повеќе отколку нам. Можеби треба да зборуваме помалку и да одржуваме помалку отмени конференции низ Европа и да се фатиме за работа. Ова е многу повеќе нивна борба отколку наша“.
Пит Хегсет повторно се осврна на европските сојузници. Кога беше прашан за недостигот на гориво за авиони во Европа и дали некои земји понудиле помош на САД во Ормускиот теснец, американскиот министер за одбрана беше критичен.
„Европа и Азија имаа корист од нашата заштита со децении, но бесплатниот превоз е завршен“, порача Хегсет.
Hegseth:
We are not counting on Europe, but they need the Strait of Hormuz much more than we do and might want to start doing less talking, having fewer fancy conferences in Europe, and get in a boat.
This is much more their fight than ours. pic.twitter.com/089v7wGsSO
— Clash Report (@clashreport) April 24, 2026
„Знам дека има многу зборување. Ја видовте – би ја нарекол – смешната конференција во Европа минатата недела каде што се собраа и разговараа за тоа дека ќе разговараат, и дека можеби ќе преземат нешто на крајот, кога сè ќе заврши. Тоа сè уште не е сериозен напор“, смета Хегсет.
Тој додаде дека САД би поздравиле сериозни европски напори и уште еднаш нагласи дека сојузниците на Вашингтон се енергетски позагрозени од Америка поради ситуацијата во теснецот. „Мислам дека ова е повик за будење. Повик за будење за земјите ширум светот. Или сте способни или не. Инаку, сте на милост и немилост на земја како Иран, а единствената војска што може да направи нешто во врска со тоа е војската на Соединетите Американски Држави“, заклучи Хегсет.
