На западот на Украина, во близина на границата со Полска, 1.200 војници со 200 борбени возила учествуваат во вежбата „Три мечеви 2021“ до 30 јули.
Вежбата е дел од регионалната програма за воена соработка меѓу Украина, Полска и Литванија, кои во 2014 година формираа заедничка бригада со 2.600 Полјаци, 570 Литванци и 340 Украинци.
Во последните месеци Украина беше домаќин на две вежби со војските на земјите на НАТО, на југот на земјата и на Црното Море.
Русија, исто така, спроведе неколку воени вежби во последните месеци, особено во Црното Море.
Односите меѓу Киев и Москва се затегнати од 2014 година поради руската анексија на полуостровот Крим и конфликтот меѓу украинските сили и проруските бунтовници во источна Украина.
