Според извори запознаени со ситуацијата, Трамп го искажал својот став за време на состанокот со високи претставници за национална безбедност, истакнувајќи резервираност во врска со планот што Техеран го поднесе во изминатите денови, пренесува Си-ен-ен.
Официјални лица проценија дека отворањето на теснецот без решавање на прашањето за збогатување на ураниум ќе ја ослабне преговарачката позиција на Соединетите Американски Држави, додека неговото понатамошно затворање ќе продолжи да ги зголемува цените на енергијата, вклучително и на горивото во Соединетите Американски Држави.
По состанокот, не беше прецизирано кои ќе бидат следните чекори на администрацијата, а американските претставници изразија загриженост за можни поделби во рамките на иранското раководство и неизвесност околу тоа кој ќе ги носи конечните одлуки.
Белата куќа одби да коментира за деталите од преговорите, наведувајќи дека станува збор за чувствителни дипломатски разговори и дека САД ќе прифатат само договор што ја исклучува можноста Иран да се здобие со нуклеарно оружје.
