Тој кажа дека е поставен специјален претставник за европските земји Мавлави Абдулах Васик, кој има контакт со бројни земји, па и со Германија.
„Претставници на Германија беа во нашата политичка канцеларија во Доха. Во повеќе наврати истакнавме дека сакаме ново поглавје и добри дипломатски односи“, подвлече тој.
Муџахид кажа дека талибанците би се радувале ако Германија ги поддржи, и потсети на добрите економски и дипломатски односи кои двете земји секогаш ги имале.
Истакна дека талибанците не им прават никакви проблеми на Авганистанците кои работеле за Германија и други земји, и дека ќе се погрижат за тие да можат безбедно да живеат.
Портпаролот на екстремистите истакна дека талибанците се смениле и дека има голема разлика меѓу талибанците од 90-тите и актуелните.
„Претходно имаше бројни политички партии и немаше никаква соработка“, кажа тој.
