Таксистот од Карачи Ахмед Рабани бил уапсен во рација во Пакистан пред 19 години заедно со неговиот брат, поради наводни контакти со Ал каеда. Потоа бил префрлен прво во Кабул, а потоа во Гвантанамо.
Неговиот адвокат, Клајв Стафорд Смит, рече дека Ахмед Рабани бил уапсен по грешка, бидејќи мислеле дека тој е Хасан Гул, криминалец од потерници.
Во извештаите на Сенатот се вели дека Рабани бил мачен една и пол година. Исто така, се наведува дека од Гвантанамо препорачале да се покрене процес против него, но тоа не се случило.
PRESS RELEASE: Ahmed Rabbani has been unanimously cleared for release from Guantánamo by six US Government agencies.
He has been locked up without charge or trial by the US for 19 years, the last 17 of them at #Guantanamo ?? https://t.co/EUWCZsHqRJ
— Reprieve (@Reprieve) October 22, 2021
Во текст во американските медиуми Рабани рече дека пакистанските власти го уапсиле и ѝ го продале на Американската централна разузнавачка агенција (ЦИА). Тој, исто така, тогаш рече дека бил чуван на мрачно место во Кабул, каде што рацете со денови му биле врзани со синџири над главата.
Ослободени се и Асадулах Харон Гул, Саифулах Парача и Абдул Латиф Насер.
Ова е само една од многуте грешки што ги направија САД во потрагата по радикални исламисти по терористичкиот напад врз Њујорк и Вашингтон на 11 септември.
Слична судбина како Рабани доживеал и Калид ел Масри – ЦИА погрешно го идентификувала овој германски државјанин со либанско потекло како личност што одржува контакти со радикалните исламисти во Улм.
