Според податоците на Форбс во реално време, богатството на Закерберг опаднало за 5,4 проценти, или за 6,6 милијарди долари, на 116,1 милијарди долари.
Вчера корисниците на Фејсбук, Инстаграм и Вотсап низ целиот свет пријавуваа огромни прекини во работата на овие мрежи. Потоа имаше информации за проблеми во работата на Телеграм, Твитер, Гугл и Тикток.
Од Фејсбук се огласија на социјалната мрежа Твитер.
„Свесни сме дека некои луѓе имаат проблеми со пристапот до нашите апликации и производи. Работиме за да ги вратиме работите во нормала што е можно поскоро и се извинуваме за непријатностите“, беше наведено во соопштението.
