Ким Јо Џонг го рече ова откако специјалниот пратеник на САД во Северна Кореја, Сунг Ким, рече дека Вашингтон понудил да се одржат разговори со Северна Кореја „каде било, во кое било време и без предуслови“.
„Се чини дека САД ја толкуваат оваа ситуација како некоја утеха за себе. Очекувањето, што САД избраа да го прифатат на погрешен начин, ќе ги втурни во уште поголемо разочарување“, рече таа.
Американскиот советник за национална безбедност Џејк Саливан рече дека Ким Џонг Ун испратил „интересен сигнал“ минатата недела кога на претставниците на владејачката партија им наредил да се подготват за „дијалог и конфронтација“ со администрацијата на Бајден, но повеќе за конфронтација.
Ким Џонг Ун неодамна изјави дека судбината на дипломатијата и односите со САД зависат од тоа дали Вашингтон ќе се откаже од она што тој го нарекува непријателска политика.
