Министерството соопшти дека ракетата успешно погодила „брза балистичка цел“. Лансирањето на ракетата од системот С-500 кон брза балистичка цел е одржано на полигонот Капустин Јар.
Како што соопшти руското министерство, системот С-500 нема конкуренти во светот и е дизајниран да порази цел спектар на постоечки и идни воздушни оружја на потенцијални непријатели, на различни височини и брзини.
Се тврди дека С-500, наречен Прометеј, е способен да уништи балистички и крстаречки ракети, како и авиони и хеликоптери, во опсег од 600 километри.
Најавено е дека првите ракети С-500 ќе бидат испорачани во 2025 година, пренесува Ројтерс.
Министерството соопшти дека по завршувањето на целиот циклус на тестирања, првите системи С-500 ќе бидат доставени до противвоздушната одбрана на московскиот регион.
